Editor Picks


widgeo.net

Thursday, February 24, 2011

ISUA PATHIAN A NI LO

Chung Khuanu chu pakhat chauh a awm a. Kan hmuh theih leh hmuh theih loh, thil awm zawng zawng hi Amah atanga lo awm vek a ni.

            Chung Khuanuin he khawvel a din tirh ni aţang leh vawiin leh hun lo awm tur zawng zawngah pawh Pathian dang a din belh ngai lova, a din belh dawn bawk hek lo. Thil engkim mai hi Ama aiawha a hmante hi Amah Pathian anga biak leh rin tur an awm rêng rêng lo, eng hunah mah an awm dawn bawk hek lo.

            Hmeichhe chhul keuva lo piang zingah Pathian anga  biak leh rin tur an awm reng reng lo. Mihring aţanga lo piang chhuak rêng rêng hi mihring vek an ni a, thiltihtheihna nasa tak pawh nei mah se Pathian anga biak tur an ni chuang lo. Pathianin a thiltihtheihna a hmantir mai zawk a ni.

            Isua pawh Pathian a ni lo a, Mari fapa mihring Isua tho a ni. Judaho zinga rawngbawltu a ni a, mihring dang aia danglamna reng reng a nei lo. Kristiante’n Isua an rin dan te, Hindu-in Rama an rin dan te, Muslim-in Mohammed-a an rin dan te, Buddhist-te’n Buddha an rin dan te hi mihring pangngai aia danglam bik, Pathiana chhuak ni bik, anmahnia Pathian nihna awm bik tlata ngaihna an nei ţheuh a, an inpawmsak lo ţheuh a, an za hian keimahni ang mihring pangngai vek an ni a. Pathian anga cheibawl tur an ni lo.

            Isua pian hmaa mihring zawng zawng te khan anmahni siamtu Khuanu nunna  chu an nun nan  an hmang vek a. Evi leh Adamate hun hmaa mihring thi tawh zawng zawng pawh khan Pathian nunna chu an nun nan an hmang vek a ni. Kan pi leh pu te, Isua leh Bible reng an hriat hmaa thi tawh zawng zawng pawh khan anmahni siamtu Pathian nunna chu an nun nan an hmangin khawvel an lo hmang ral tawh a. Isua pawh khan amah siamtu Pathian nunna a chan bak nunna dang a nei chuang reng reng lova, mihring dangin Pa aţanga chhuak nunna an dawn ang bawk a dawng ve tho a ni.

            Kristiante bumtu ţawngkam lian ber chu hei hi a ni;”Kei hi kawng leh thutak leh nunna ka ni. Keimaha kal lo chu tumah Pa hnen an thleng ngai lo” tih Isua sawi hi a ni.

            He ţawngkam avang hian Isua chu ring a, amah chu pawm a, amah vuantute chuan Pathian khawpui, vanram kal tur niin an inring a. Pawm lova, ring bawk lotu chu hremhmunah an kal dawn a ni an ti hial a ni.

Amah Isua hi kawng a ni lova, thutak a ni    lova, nunna a ni bawk hek lo. Amah vekin vawi tam tak a sawi a,”Mihring fapa ka ni a, engmah ka tithei lo. Pa chu keimahah a nung a, a thil a ti zawk ţhin a ni” a ti a.Pa nunna amaha awm hi kawng leh thutak leh nunna chu a ni a, Pa nunna, Pain mihringte min pek hi Isua te nena kan vân kalna kawng chu a ni.”Keimahin engmah ka tithei lo. Pa keimaha nung reng chuan thil a ti zawk ţhin a ni’ a ti a. Mahnia engmah tithei lo kha kawng a ni thei lo a, thutak a ni thei lo a, nunna a ni thei hek lo. Pathian, Khuanu chauh hi chatuana nung chu a ni a,  Amaha chhuak nun neitute chauh hi chatuan nun neitute kan ni. Nangmah ngei pawh kha Khuanu siam i ni a, a nunna chu nangmah a pe che a (Isua hre mah la, hre lo mah la) nangmaha chhuak nung awm chu i tan kawng leh thutak leh nunna chu a ni si a.

            Mizoramah Mizo niin i lo piang a, i ram chu Mizoram a ni a, i mihring chu Mizo niin i awm a, nangmah siamtu  Chungkhuanu chuan Amah aţanga chhuak nunna hlu tak chu Mizoramah, Mizo hnenah a pe che a. Nang leh Pathian chu pumkhat niin in inzawm reng tawh a. Isua te, Rama te, Buddha te hmanga Pathian biak a ngai reng reng lo. Zana i muthilh lai te, hna rim taka i thawh lai te, Office i kal lai te, i infiam lai te; englai pawhin Chung Khuanu chu i hnenah a awm reng a, koh chawp a ngai lova, Amah chuan engkim hmang hian min be reng zawk a ni.

            Chung Khaunu chu leilung pian tirh aţangin a nunna hmangin kan hnam Zofate hnenah a awm reng a, englai mahin min kiansan lo.

            Hnama min dintu, chênna tur ram min petu chunga mi Chung Khuanu chauh chu biak leh rin tur chu a ni e. Amah lo chu Pathian dang reng reng an awm lo.

Sources-Mizo hnam mipui hnena lehkhathawn

15 comments:

  1. I thusawi hi hriat thiam a va har neih nuai ve!

    A chang leh Isua thusawi pawm ni awm takin, ”Mihring fapa ka ni a, engmah ka tithei lo. Pa chu keimahah a nung a, a thil a ti zawk ţhin a ni” a ti a.Pa nunna amaha awm hi kawng leh thutak leh nunna chu a ni a, Pa nunna, Pain mihringte min pek hi Isua te nena kan vân kalna kawng chu a ni.”Keimahin engmah ka tithei lo. Pa keimaha nung reng chuan thil a ti zawk ţhin a ni’ a ti a" i ti a, a chang leh "Kristiante bumtu ţawngkam lian ber chu hei hi a ni;”Kei hi kawng leh thutak leh nunna ka ni. Keimaha kal lo chu tumah Pa hnen an thleng ngai lo” tih Isua sawi hi a ni" tiin Isua chu dawt sawiah i puh leh ang lawi a !

    Heti ang teh nuaih hi rinna thu emaw sakhua tehna dik a ni thei lovang. I consistent lova i sincere bawk lo. Isua thusawi i duh lai lai i ring a, i duh lai lai i ring lo leh ringawt a. Heti ang te chuan tuma'n an ring nang che.

    ReplyDelete
  2. A va mak teh nuaih ve. I duh lai lai i sawi vul a, chu chu dika ngaiin nangmah leh nangmah i inbum a ni.

    Mihring fapa a nih thu leh engmah a tih theih loh thu a sawi i pawm si a, kei hi kawng leh thu tak...tih chu i pawm hauh bawk si lo. I duh duh i pawm a, i duh lai lai i hnawl ngawt thung a. Isua dawt sawi ah i puh hmin thak leh nghal.

    ReplyDelete
  3. khaia hei chu a va tha lo ve :D i hlauhawm mang e o LOLZ

    ReplyDelete
  4. leh lokz Isua pa chu Pathian ani i ti em?

    ReplyDelete
  5. A chunga thupuiah khian a chiang viau lo a mi.

    ReplyDelete
  6. Lr hlawnchhing: 'Isua kha mihring fapa a nih thu leh engmah a tih theih loh thu' a sawi ka pawm leh 'Kei hi kawng leh thutak leh nunna ka ni. Keimaha kal lo chu tumah Pa hnen an thleng ngai lo” tih Isua sawi ka pawm loh hi engnge a dik loh vakna le.
    He ţawngkam avang hian Isua chu ring a, amah chu pawm a, amah vuantute chuan Pathian khawpui, vanram kal tur niin in inring a. Pawm lova, ring bawk lotu chu hremhmunah an kal dawn a ni in ti leh a.Han ngaihtuah chiang la, he khawvelahah hian Isua pianhma deuh a, thi te leh pian hnu a mi fel tam tak, mahse isua pawh hre lem lo kha in sawi hremhmunah hian an tlak vek i ring ve em?

    ReplyDelete
  7. Arta, a teh nuai a mi le. Nangman i chhiar teh nuai a ni ang a.

    ReplyDelete
  8. Hei hi Lal Chhungkaw ho rin dan ami ava DEN ve a

    ReplyDelete
  9. In chan chu a rapthlak dawn hle mai :(

    ReplyDelete
  10. in chan hi a teh nuai em a, in hrethiam pha lo a niang.

    ReplyDelete
  11. In thurin ziahna lehkhabu hi engnge a hming, tu ziah nge?

    ReplyDelete
  12. hahah a va han hre lo mai mai tek em....upc naupang pawh a ziaktupa hi chuh an hrilhfiah khum hrep tei zawk ang mawle hahaha ngaihna awm lo :D :P

    ReplyDelete
  13. A va thra thrak htrak em...ka pawm e...Kan ngaihdan a lo inang hle mai..Mihring Pathiana kan pawm mai hi chu a pawi deuh a ni..Sakhaw zirtirna hi min ti aa zo va, kan hnam sakhua kha a bo ta daih mai ani...

    ReplyDelete