Editor Picks


widgeo.net

Saturday, December 31, 2016

THE WORDS OF THE OWNER OF KINGDOM

                       CHAPTER - I

1. Let all the nations hear,
    The Kingdom which hath appeared unto me,
2. For many a time, my earthy being
    Hath strived to understan the meaning;
    But in despair it hath perished.
3. From eternity to eternity,
    The Lord's love hath revealed unto me,
    The meaning of all.
4. The motionless Sun, and the ever moving Earth
    Maketh the changeful time.
5. Under the influence of time, 
    There is no rest.
6. O my earthy nature,
    Look everything around thy dwelling place,
    None is satisfied of what's been achieved.
7. I have now crossed over to the land,
    Beyond the changeful times,
    Which hath no need of the Sun, nor of the Moon
    To shine in it.
8. Before the mountains and the land were formed,
    I had received the eternal blessing.
9. Along with time i no longer change,
    My share of treasures, in the Eternal Father

Wednesday, December 28, 2016

HRINGNUN THLIRNA THUFING LAWRKHAWMTE - I

1. A bul leh a tawp ngaihtuah chiang lovin engmah ti suh.
2. A dera hmangaihna hi intihderna zawng zawngah a tuartu tân a na ber.
3. A dik a ni tih hre chunga tih si loh hi dawihzepna tenawm ber a ni.
4. A hmun leh a hun thliar lova thu i sawi chuan nakinah lungngaihna a thlen ang che.
5. A hun taka ṭawng chuh leh a hun taka ngawih chuh hi mifingte mize ropui ber a ni.
6. A nuam apiang umtu chuan hrehawm a umpha thuai ang.
7. A pawi kan tih chuan a tlai lutuk ṭhin.
8. A tawk hi a lutuk aiin a ṭha zawk.
9. A tlemin emaw, a tamin emaw a tih danglam theihloh khawpa rinawmna hi rinawmna dik tak a ni.
10. Awlsam taka innei an tam apiangin  awlsam taka inṭhenna a tam ṭhin.
11. Beiseina nei derlo mi chu nungreng chunga thi ang an ni.
12. Buaina leh harsatna i tawh hma chuan ṭhianṭha ka nei ti mai suh.
13. Chapona hian hmelma tamtak min siamsaka ṭhian tamtak min umkian sak.
14. Chawimawina ringawt lawmtu chuan dikna a lawmlo.
15. Chhia zawng zawngah rilru chhia hi a chhe ber.
16. Chhumdum phenah ni eng mawi tak a awm angin, tuarna phenah malsawmna eng mawi tak a awm          
         ṭhin.
17. Chhungkua inkawm thiam tak chuan mi tinreng an kawm thiam ṭhin.
18.  Dan ṭha tak neih hi mihring ṭhatna a ni chuang lo a, mihring ṭha taka awm hi dan ṭha tak neihna a ni  
         zawk.
19. Dawhtheihna tlachhamtu chu ngaihdamna tlachhamtu a ni.
20. Dawihzep tan hmun ralmuang a awmlo angin, huaisen tan hmun hlauhawm a awmlo.
21. Dawihzepna chu mihing harsatna a tangin a tlanchhia a, huaisenna erawh chuan mihring harsatna a tawna, a su kiang ṭhin.

Tuesday, December 20, 2016

ISUA KRISTA KHA ENGTIK THLAAH NGE A PIAN?

        Tun tum chu Kristiante Kut ropui tak mai Krismas(Christmas) chungchang hi ihan thlur bing dawn teh ang. Kristian tam berte hian kum tin ‘Krismas’ an tih mai, Judate’n ‘Messiah,’ tia a lo lan hun an nghahhlelh em em, Kristiante’’n Messiah ni ngeia an ruat, a Grik tawnga ‘Krista,’ an tih Isua pian champha an lawm thin hi kan Zoram khhawvelah pawh a urhsun thei ang berin ran talh meuhin an lawmin an serh thin a ni tih kan hre theuh awm e. Heti taka ropuia an serha an lawm hian Pathian chawimawi feah chuan an inruat ve ngei  ang le.
Amaherawhchu an Bible lam kan en chuan Seventh Day Adventist Church-hoin Chawlhni atana an hman thin Sabbath(Inrinni) chu hmang tura thupek kan hmu a, Sunday hi Chawlhni atana hmang tur leh serh tura thupek kan hmu lo tlat ang bawkin Isua pian ni te, a thih ni te hi hmang tur leh serh tura thupek kan hmu hauh lo a ni. He Isua pian ni hi hmang tur leh serh tura thupek hmu sela chu a pian ni dik tak leh a thih ni pawh chiang takin an hre ngei tur a ni.

A nih loh leh Isua pian champha nia an ngaih ni 25 Pawltlak(Dec.) thla hi engtia lo hmang ngawt nge an nih le? Hmasangah khan ni(sun) pathiana betute an lo awm thin a. Vawi khat chu an lal ber Nimroda chuan, “Ka thih hunah chuan ka thlarau chu ni(sun)-ah khian a kal dawn a ni,” tiin a hrilh a. Lal ber a thih hnu hun engemawti a liam hnu chuan lalnu chu a khawnbawlte zinga pakhatin a lo rai ta tlat mai a, a tlangthang takngial dawna an hriat tak avangin a thup mawi dan tur an ngaihtuah ta a. Lalnu chuan, “Kan lalpa khan a thih hma khan, ‘Ka thih hnu chuan ka thlarau chu ni-ah khian a kal dawn a ni,’ tiin a sawi a; tichuan, kan lalpa chuan ni atang khian min rawn rai a ni,” tiin a sawi ta a ni. Lalnu vek chuan,  “In hriat duh chuan lal in chung kaiilawnah hian thleng rawn dawh ula, lalpa chuan thil a rawn thlak mai ang,” tiin a sawi a.

Sunday, December 18, 2016

PATHIAN THU LEH SAKHUA CHU

            Pathian thu leh sakhua hi kan rinah leh kan pawmah a awm lo a, kan rin leh kan pawm chu Pathian thu a ni bawk hek lo.
Mihringte hi kan duh duh ring thei leh pawm theia siam chu kan ni ngei mai. Nimahsela, kan rin leh kan pawm chawp reng reng hi keimahnia awm lo, kan thu hriat aṭang te, min zirtir aṭang te, ni thei ngeia kan ngaih aṭang tein rinna leh pawmna kan nei ṭhin a ni.
           Kan rin leh kan pawm hi mihring min ti ṭha thei leh min ti chhe thei chu a awm ngei mai. Kan ṭhatpui pawhin, kan chhiatpui pawhin sakhua leh Pathian thu chu a ni mai chuang lo.
SAKHUA LEH PATHIAN THU CHU I HAN ZIR CHIANG TEH ANG:
            Pathianin mihringte min siam tirh khan kan rin vang emaw, kan pawm vang emawa siam kan ni lo. Ring turin emaw, pawm turin emaw kan la awm lo.
Pathian Khuanu remruat ang thlapin kan lo awm a ni. `Sakhua' tih ṭawngkam lo chhuahna hi Zo ṭawng thumal pahnih infin, `Sa' leh `Khua' lam kawpin, `Sakhua,' tih hi a lo awm a ni.
Kan pi leh pu, hmasang min thlatute khan engkim siamtu hi a hun leh hmun a zirin a hming lam dan chi hrang hrang an nei a. Thilnung tinrengte siamtu leh dintu a nih ang taka an biak dawnin `Sa' tiin an lam ṭhin a, A thilsiamte vengtu leh enkawltu, a bul leh a tawp thlenga siam a, malsawmtu a nih anga an biak dawnin 'Khua' tiin an lam ṭhin thung. Chuvangin 'Sa' leh 'Khua' lam kawpin., 'Sakhua' tiin an hung fel ta a ni.

Thursday, October 20, 2016

BUMIN AWM SUH

"Bumna thu, inbumna a ni tih hretu chu miffing
tihnghin rual loh chu a ni."

"Bumna thu leh thutak hre hrang thiam lo hnam chu mi
rah beh leh mi thuhnuaia awm kumkhua tur,
hnam â chu a ni."

SETANA A AWM LO
Kan hmuh theih zawng zawng leh hmuh theih loh thil awm zawng zawng hi Pathian Siam leh a kutchhuak vek a ni.
Thilnung tinreng leh an nihphung leh zia tûr zawng zawng nêna rêl fel vektu, mihring awm dan tûr leh nunphungte hmaih hauh loa rêl feltu Chung Khuanu hian leilung pian tirh aṭangin rel sual leh rel hmaih pakhat mah a nei lo a, a ruahman lawk eng mah a tidanglam ngai hek lo.
A duh duh awmtîr a, a duh duh dah bo zêl theitu hian Amah do theitu tûr leh Amah bei tawk deuh thial Setana a lo siam tel palh hlauh a nih chuan a siamtu chu a ve tak, a tâna pawi tûr pawh duang tel ve, engkima rin tlak vak loh a ni ngei ang.

Kan Pathian, Chung Khuanu kan sawi hi chu tisa mitin hmu hauh lo mah ila, a thiltihtheihnain a rawn inpuang zel a, lang lâwk lo leh hmuh lâwk hauh loh pawhin a thiltihtheihna hmangin a inpuang zêl a, "Pathian aw ka hre ve lo, A thiltihtheihna ka hmuh pawh ka hre ve lo," titu tân pawh khawvêla thilnung awm zawng zawngte leh thilsiam kan hmuh theih zawng zawngte hi Pathian inpuanna vek an ni a, Pathian, Chung Khuanu hi hai theih rual a ni lo.

Sunday, August 14, 2016

SAKHAW CHUNGCHANGA INKAWMNA - 16

121. Zawhna: A nih leh chawlhni chu Kristian tam zawkte’n tûnah an serh tawh si lo a, serh tawh lo tûra hriattîrna an dawng reng nge, serh ûl an ti lo? Serh chu a ûl em?
     Chhanna : Tunah serh tawh lo tûra thupêk chu Pathian ni loin Pope hnen aangin an dawng zâwk a ni. Chu bâkah serh ûlin an hre tawh lo a ni ang. Pathian thupêk an hmu anga an ziah hi thil tak tak a nih chuan tûnah pawh chawlhni chu serh a la ûl reng tûr a ni a, serh tawh lo tûra sûtna Pathian hnên aanga an dawng leh a nih si loh chuan.
                       Amaherawh chu thil pakhat ngaihtuah chian ngai chu a awm; Pathianin lei leh vân a siam khan ni ruk niin a siam zo a, a ni sarih niin a châwl a, a serh ta tih kan hmu a. A siam anna, a ni khat ni aanga chhui chhoh zêl khân lei leh vân siam dân Mosia ziak kha chhui chet a dâwl lo tlat pek a. Chu thil chu i lo bih chiang deuh hlek teh ang.
                                  A ni khatnaah khan Eng a siam a (Gen. 1:3), a ni hnihnaah boruak zau tak chu tui leh tui hen turin a awm tîr a (Gen. 1:8). A ni thumnaah tui leh khawmual te inhen felin thlai leh hnim te anmahnichi awm dân tûr heuha iak tûrin a ti a, chuti angin an lo awm a. A ni linaah chuan chhûn leh zân hen tûrin vân boruakah entute a siam a, chûngte chu leilung entu tûr an ni a, arsite a siam bawk a. Chûng lei chung entu tûrte chu chhinchhiahna te, hunbi te, ni te, kum te hriat hran theihna tûr a ni (1:14-18)
                                 Tichuan a ni khatnaah chuan eng a siam a, hei hi eng eng nge a hriat loh a; a ni linaah chuan lei chung ên tûrin leh chhûn chungah leh zan chunga rorêl tûrin leh eng leh thim hen tûrin Ni leh thla a siam tih kan hre thei ta a ni. Chûngte chu chhinchhiahna te, hunbi te, ni te, kum te hriat theihna tûr an ni a, sawi tel lo mah sela thla hriat theihna tûr pawh a ni. He ni li ni aang hian Ni leh Thla an lo chhuak anin, “ni khat, ni hnih, ni thum; thla khat, thla hnih, thla thum; kum khat kum hnih, kum thum,” tiin kan lo chhiar thei an ta chauh tihna a ni dawn a. Ni khatna aanga ni thumna thleng khan Ni leh thla an la chhuak si lo a, arsite pawh an la awm lo a; tin, chhûn leh zân hun henna a la awm lo a, engtin nge ni khat, ni hnih, ni thum tih a awm theih ang. A nihna takah chuan ni lina aang khan, “Ni khat, ni hnih, ni thum,” tiin ni zat kha a chhiar theih chauh tur a ni a; tichuan a ni lina aanga chhiarin ni li  niah khan Pathianin a thil siam zawh chu a chawlhsan tihna a ni ang chu. Ni a rawn chhuah hmain ni khatna aanga ni thumna thleng khan ni zat chhiar tûr a awm thei lo alâwm. Chu vâng tak chuan “Ni sarih ni,” Sabbath hi chawlhniah pawm ngawt theih a ni lo.

Saturday, July 9, 2016

RORELLIANA’N VANRAM A KAI DÂWN LO

             Rorelliana’n vanram a kai dâwn lo,
            Isua’n vanram a kai dâwn lo,
            Rama’n vanram a kai dâwn lo,
            Budha’n vanram a kai dâwn lo,
            Mohammeda’n vanram a kai dâwn lo.

            Khawvel mihring zingah vanram kai tur pakhatmah an awm lo.

     Vanram chu Pathian, Chung Khuanu chenna khawpui, Pialral chu a ni a, chu chu van khawpui, Pialral aṭanga piangte chauh chenna tura siam a ni.
     He leilunga piang tisa mihring reng reng hi van-pialralah thawn chhoh tur pakhatmah an awmlo, thawn chhoh theih a ni hek lo.
Mihring Isua kha vanram kai theih a ni lo a,
Mihring Rama kha vanram kai theih a ni lo a,
Mihring Muhammeda kha vanram kai theih a ni lo a,
Mihring Rorelliana kha vanram kai theih ani hek lo.

Wednesday, July 6, 2016

INNGHAHNA TLING THURIL CHU

 Ngaih loh lamah ngai suh; zirchiang zâwk rawh.
Ø  BIBLE ENGAH MAH I NGAIH LOH HUNAH
Ø  ṬAWNGṬAI LOH NGAM HUNAH
Ø  TEHKHIN THU A TELLOH HUNAH
Ø  KRISTIAN I NIH LOH HUNAH
Ø  SAKHAW POLITICS
BIBLE ENGAH MAH I NGAIH LOH HUNAH:
            Pathian Khuanu-a i awm reng leh nangmahah a awm reng a ni tihah i chiang tawh ang a; Bible ziak i sawi chhawn ṭhin ­Pathian thu sawi emaw i intih ṭhin kha Pathian thu sawi i lo ni hauh lo tih i inhre chiang tawh ang.

            Nangmah ngeiin nitina i thil tawnah khan Pathian Khuanu thu chu a awm a ni tih i hre tawh ang. I tan Pathian thu chu nitin zantina Ani nena in inkawp tlatna khan a awm vek a ni tih i lo hre tawh ang. Pathian nena in inkawp tlatna leh a hruaina zawng zawng cheah khan Bible awm leh awm loin nangmahah danglamna a thlen chuan miah loh avangin Bible chu engah mah i ngaih lohna a lo thleng a ni. Bible hmu thei lovin i mitdel mahse; Bible thu an sawi hre thei loin i beng ngawng mahse; Bible chhiar lovin a chanchin hre miah lo mah la i Pathian thu chu a ngai reng a. I Pathian thu chu Bible-a ziak kha ni lovin, nangmah ngei Pathianin nitina a hruaina che leh a vena a enkawl mekna­ah che khan i Pathian thu chu a awm sa reng a ni.

Wednesday, June 1, 2016

ISUA KRISTA KHA ENGTIK THLAAH NGE A PIAN?

          Tun ṭum chu Kristiante Kut ropui tak mai Krismas(Christmas) chungchang hi i han thlur bing dawn teh ang. Kristian tam berte hian kum tin ‘Krismas’ an tih mai, Judate’n ‘Messiah,’ tia a lo lan hun an nghahhlelh em em, Kristiante’’n Messiah ni ngeia an ruat, a Grik tawnga ‘Krista,’ an tih Isua pian champha an lawm ṭhin hi kan Zoram khhawvelah pawh a urhsun thei ang berin ran talh meuhin an lawmin an serh ṭhin a ni tih kan hre ṭheuh awm e. Heti taka ropuia an serha an lawm hian Pathian chawimawi feah chuan an inruat ve ngei  ang le.
          Amaherawhchu an Bible lam kan en chuan Seventh Day Adventist Church-hoin Chawlhni atana an hman ṭhin Sabbath(Inrinni) chu hmang tura thupek kan hmu a, Sunday hi Chawlhni atana hmang tur leh serh tura thupek kan hmu lo tlat ang bawkin Isua pian ni te, a thih ni te hi hmang tur leh serh tura thupek kan hmu hauh lo a ni. He Isua pian ni hi hmang tur leh serh tura thupek hmu sela chu a pian ni dik tak leh a thih ni pawh chiang takin an hre ngei tur a ni.

          A nih loh leh Isua pian champha nia an ngaih ni 25 Pawltlak(Dec.) thla hi engtia lo hmang ngawt nge an nih le? Hmasangah khan ni(sun) pathiana betute an lo awm ṭhin a. Vawi khat chu an lal ber Nimroda chuan, “Ka thih hunah chuan ka thlarau chu ni(sun)-ah khian a kal dawn a ni,” tiin a hrilh a. Lal ber a thih hnu hun engemawti a liam hnu chuan lalnu chu a khawnbawlte zinga pakhatin a lo rai ta tlat mai a, a tlangthang takngial dawna an hriat tak avangin a thup mawi dan tur an ngaihtuah ta a. Lalnu chuan, “Kan lalpa khan a thih hma khan, ‘Ka thih hnu chuan ka thlarau chu ni-ah khian a kal dawn a ni,’ tiin a sawi a; tichuan, kan lalpa chuan ni aṭang khian min rawn rai a ni,” tiin a sawi ta a ni. Lalnu vek chuan,  “In hriat duh chuan lal in chung kailawnah hian thleng rawn dawh ula, lalpa chuan thil a rawn thlak mai ang,” tiin a sawi a.

ZORAM, ENG SAKHUA NGE I BIAK?

            Khawvel hnam tinte hian sakhaw biak kan nei ṭheuh ang em le? Sakhaw nei lo kan awm i ring em? Khawvel mi thiam tam berte chuan engkim siamtu Pathian hi khawvela hnam tinte hnenah hian a inpuangin thu a sawi vek a ni an ti. Chuti lo ni sela Mizo Kristiante hian a tirah chuan Israel-te hnenah chauh Pathian chu lo inpuang ṭhin anga an ngaihna chu a dik lo a ni tihna a ni. Kristianna an lo vawn hnu hian Zofate zingah intithlarau mi em em leh Pathian thlarau nena inpawl ṭhina insawi an tam hle a nih hi.

          Tun hma khan Zofate chu Kristian kan lo ni ngai lo a, Europe khawmualpui ram tam takte leh Asia khawthlang ramte’n kum engemaw zat an lo vawn hnua an bansan leh tawh hnu kum zabi 18-na tawp lamah he Kristianna hi kan vuan ve ṭan chauh a ni. Afghanistan te, Iran(hmana Persia ram) te, Iraq(hmana Babulon) te, Turkey te; Europe-a Italy(tun hmaa Rome an tih ṭhin) te leh ram dang tam takin Kristianna an bansan hnuin a bansan tlai ber England(United Kingdom) pawhin tunah a bansan leh ta a; he sakhua Kristianna an duh loha an bansan tawh lamah mi’n an duh loa an bansan tawh hnu Zoram aṭangin Zofate chuan Kristian nihtir leh tumin an bei let chu a ni a, a harsa tawh hle ta ve ang.

Wednesday, April 20, 2016

ṬAWNGṬAINA

     |awng\aina hi tun \umah chuan i han khel ve thung ang u hmiang. Zoram Kristiante hian \awng\ai hi kan uar hle mai a, zing thawh hlim te, tuk\huan ei dawn te, zanriah chaw ei dawnah te, mut dawnah te kan \awng\ai awl lo a nih hi. Chuti ang chu kan awm phung a nih avangin \awng\aina awmzia hi eng nge ni tih kan zir dawn a ni.

A obul-
     ‘awng\ai,’ tih hi Mizo \awng a nih angin a awmzia han sawi fiah dawn ila. Hmasanga kan pi leh pute kha Kristian an nih hmain sakhua an hmannaa Khawzing Pathian biaa a hnena thil an hlan laiin puithiam(sadawt) khan thiam hla chhamin a phun bel bel(a chhamphual) a, chu chu ‘|ai,’ an ti. A lam rik danah chuan miin an loah buh chi khat an chin, ‘|ai’(thar rang), an tih Favang, October thla vela thar chi an lam dan anga tawi deuh hata lam rik tur a ni. ‘|ai’ tih hi thluk fan(sei) a nih chuan a dik thei lo a, ‘darh,’ tihna a ni daih dawn a, a awmzia a bo dawn a ni. He \awngkam, puithiamin Khua Pathian hnena thil a hlan laia ‘a \ai,’ an tih a\ang hian  Zoam Kristiante’n Isua hnena malsawmna dila an maimitchhinga an phun mawlh mawlh hi, ‘|awng\ai,’ an lo vuah ta a nih chu. A nih loh leh \awng\aina awmzia chu eng nge ni teh reng le?

Buddha zirtir dan-
      Buddhism sakhaw hmu chhuaktu Gautama Buddha chuan, “Tui hi hnuai lamah a luang a, mei hi a sa a, vur erawh chu a vawt \hin; \awng\aina hian India rama lui tuite hi a chhoh luantir dawn lo a, mei alh a tidai dawn lo a, vur pawh a tilum bawk hek lo ang. Chungte chu he khawvelah hian an nihna ang taka awmtirtu nunna dan a awm vang a ni,” a ti a ni.

ZORAM, ENG SAKHUA NGE I BIAK?

         Khawvel hnam tinte hian sakhaw biak kan nei heuh ang em le? Sakhaw nei lo kan awm i ring em? Khawvel mi thiam tam berte chuan engkim siamtu Pathian hi khawvela hnam tinte hnenah hian a inpuangin thu a sawi vek a ni an ti. Chuti lo ni sela Mizo Kristiante hian a tirah chuan Israel-te hnenah chauh Pathian chu lo inpuang hin anga an ngaihna chu a dik lo a ni tihna a ni. Kristianna an lo vawn hnu hian Zofate zingah intithlarau mi em em leh Pathian thlarau nena inpawl hina insawi an tam hle a nih hi.

          Tun hma khan Zofate chu Kristian kan lo ni ngai lo a, Europe khawmualpui ram tam takte leh Asia khawthlang ramte’n kum engemaw zat an lo vawn hnua an bansan leh tawh hnu kum zabi 18-na tawp lamah he Kristianna hi kan vuan ve an chauh a ni. Afghanistan te, Iran(hmana Persia ram) te, Iraq(hmana Babulon) te, Turkey te; Europe-a Italy(tun hmaa Rome an tih hin) te leh ram dang tam takin Kristianna an bansan hnuin a bansan tlai ber England(United Kingdom) pawhin tunah a bansan leh ta a; he sakhua Kristianna an duh loha an bansan tawh lamah mi’n an duh loa an bansan tawh hnu Zoram aangin Zofate chuan Kristian nihtir leh tumin an bei let chu a ni a, a harsa tawh hle ta ve ang.

Friday, March 4, 2016

SAKHAW CHUNGCHANGA INKAWMNA - 15

114. Zawhna    : Chuti lo ni sela, hmasânga kan Zo pipute sakhuaah khân tûna “thil mak,” kan tih ang chi kha a awm ve tho tihna em ni?
     Chhanna      : Awm tehrêng e. kan pipute’n an hlauh tâk an laisuih te kha hloh lo ni sela chuan chuti angah te chuan an ziak ang a, keini tûna chhuan awm mêkte pawh hian Bible ang maia chhiar tûr kan nei ang maw le. Mizo Kristiante ngat phei chuan sakhaw dang lehkhabu hi kan chhiar phak loh avâng pawh a ni ang a, kan hre lo nasa a. An sakhaw lehkhabu thianghlima thil mak inziak a awm ve pawh kan hre meuh lo, hria pawh ni ila, Bible sawi a nih loh chuan kan awihsak lo emaw a ni dâwn a ni. Zofate pipute sakhua an vawn laia an zînga ‘thil mak” kan tih ang chi lo lang tam tak a awm a, tlêm chu han târ lang ila.
                                    Thlacho Chozah (Thlachina Chinzah), Mawhre lal hi Mizorama lal bân khân a nang hman ve a. Thlachina Mawhre lal hian fapa a nei lo a, a awt êm êm a; Dawngua kkuaa awm zâwlnei a râwn a, ani Zo zâwlnei chuan  Palau Patla inthawina nei tûrin a hrilh a Chu chu kel patuai, a nu la pâwl loin inthawi tûrin a lo hrilh a ni. “Palau Patla,” tih chu, “Chung lam tihlungâwina,” tihna a ni awm e. Chutichuan a kel patuai chu hlânin thiam hla a han chham a-
                                    “Aw, Vâna awm Pathian,
                                      Vân chunga awm Pathian,
                                      Vân chung sâng bera awm Pathian,
                                      Vawiinah hian kel patuaiin ka bia a che;
                                      Naute mipa rawn thlâk la,
                                      Leuna rawn thlâk ang che.
                                      Hmelha leh sam sei rawn thlâk la,
                                      Thu sawi thiam, finna rawn thlâk ang che;
                                      Chak leh huaisen rawn thlâk ang che,
                                      Puitlingin khawsa dûn ila,”
                          a han ti a. Chuta ang chuan a nupui chu a lo rai a, a fa a lo pian chuan mipa a lo ni a, a hmingah Lakher (Mara) awngin, “Vahai,” an sa a, chu chu, “Ngaihlaia,” tihna a ni. Chuti ang chuan Pathian rawn inlâr thu te, zâwlneiin mi dam lo an tihdam te, mitthi tawh an kaihthawh te, hrilh lâwkna thu an puan te, sawi tûr a awm duah mai.

Thursday, February 25, 2016

NGAIHTUAH CHIAN ATAN

HRILH HRIAT CHAWP NGAI LO PATHIAN.

awngaiin dil vak vak mah la,
awngai reng reng lo mah la,

            I siamtu enzawna i kal phawt chuan, i mamawh chu i chungah a thleng vek tho dawn. I siamtu Pathian chungkhuanu hian englai mahin a muthilh san lo che a, i hrilh chawp aanga thil ti chauh ani lova, englai pawhin i muthilh hlan pawhin a enkawl reng che a ni zawk.

TU THISEN MAHIN
ZOHNAMTE SUALNA A TLENG LO.

            Isua thisenin kan sualna a tlengfai tih hi inbumna dik tak a ni, tlengfai anih chuan sualna nei tawh lo a ni a, sualna la kawl vek si a, Pathian thinlungah tlenfai kan ni tawh tih phei hi chu, inbumna chhah lehzual a ni.

            Pathian thinlungah, sualna kawl reng hi eng lai mahin thianghlim a ni ngai reng reng lo, sual chu sual, ha chu ha ani ringawt mai a ni.

            Pathian chungkhuanu hian englai mahin lem a chang ngai lo, mihring lemah pawh a rawn chang bawk hek lo. A Pathian nihna famkimin englai pawhin a ding reng a ni.

PATHIAN NEN PUMKHAT KAN NI.

            Min siamtu Pathian Khuanu chu keimahniah, keini pawh Amahah, kan inkarah midang zeh lenna tur ram awl a awm reng reng si lova.

A MAKIN AVA ROPUI EM…!!

           Tu finna leh tu hriatnain nge chhuichhuak zo thei ang le? Han hawi vêl la, i hmel hmai leh i mit vêl chauha hawi loin, i hriatna zawng zawng nên thlîr vêl rawh le. Kan chên mêkna khawvêl lo awm dân ropui zia hi i hmu ang.
         Lungrual taka leilung leh tuifinriat zau pui awmho mup mup mai ropui zia te, boruak zau taka khawvêl an lang luau luau mai te, leilungte chu tuiin a buak zawh san duh chuang reng reng lo mai te leh leilung leh tuipuiin an enkawl thilnung zozai te ropui zia leh an puar khawpa an tlan tur chaw an hmu heuh mai te hi ava ropui tehlul em!
        Boruaka thlawk kual vêl ringawta eikhawp hmu  te, leilung chunga an tlaina tûr khawp eitur(chaw) hmu an tam zia te, lei chhûng rila chêng chite'n an puarna tûr khawp chaw an hmu vek mai te, tui chhûnga chêng thilnung tinreng tam zia leh an tlaia an puarna khawp chaw an hmu heuh mai te hi a makin ava ropui tehlul em!!
          Thli leh ruah te inrelbawl dan zawng zawng te leh a hun taka an tleh hin dân leh an sur hin dân te, thlipui chêt hun leh thlifim chêt hun te, ruahpuivanawn sur hun leh ruahthimpui lo haw hun leh ruahphingphisiau sur hun te nên lama a felfai zia te, êk tla leh rial tla ten an hun an hai reng reng lo a. Tlangsang lama vûr tla(sur) sung sung mai te, chhûm zîng chhah mup mup lo awm dân leh iauchhûm inrelbawl dan te, khawi lamah nge an bihruk zawh leh tak hriat hauh loa an bibo leh duak mai hin te, lirnghingin khawvêl a chin buai dan te leh thlipuiin manganna a rawn thlen dân leh tuilianin leilunga chêng a tih mangan dân te han thlir vêl la, an mahni hian rilru nei rana an duh dâna hna rawn thawk hin niin an lang hauh silo a, thiam loh chantîr dâwn ila, "Kan duh thua ti kan ni lo, remruattu thu anga che mai kan ni,” an ti ngei dawn si a.

Saturday, January 23, 2016

PATHIAN THAWKKHUM


            Pathian thudik leh dâwt sawi thei lo tûra Kristiante’n an ruat Bible hi eng vânga dâwt sawi lo tûra ruat nge an nih tih leh, dâwt sawi thei lo tûr chi chu a lo ni rêng em tih hi tûn umah hian i lo chhui ve thung teh ang u.
            Paula chuan, “Pathian lehkha thu zawng zawng hi Pathian thawkkhuma pêk a ni a, zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt bawk a ni,”  a ti a. (II Tim. 3:16). Hetah hian, “Pathian thawkkhuma pek,” ti meuhin a sawi a, hei vânga dawt sawi hauh lo tura ngaih hi a ni ber a. Isua khan, “Lei leh van a ral ang a, ka thu erawh chu a ral lo ang,” a lo ti ve leh a (Mat. 24:35; Mark. 13:31; Luk. 21:33). Isua chu pathiana pawm leh biak a nih avâng hian a thu chu Pathian thu nia ruat a nih bakah Isua thu sawi Bible chhûnga mi chu Pathian thua ngaih vek a ni bawk a, a thu chu a ral loh tur thu kan hmu a ni.

            Nimahsela Isua thusawi ngei pawh hi ziaka dah a nih loh vaih chuan bo mai thei a ni dawn tih hi hriat a ha khawp mai. Amah hian lei leh van chu a ral pawh ni sela, a thu chu ral lo turin a sawi mai nain a zirtirte zinga mi Johana chuan a inlarna hmuh thu tlipnaah chuan, “… tupawhin he hrilh lawkna lehkhabu  thua jmi thu a lak bo chuan he lehkhabua ziak Nunna thing leh khaw thianghlima a chan chu Pathianin a la bo ve ang,” tiin a ziak tlat mai (Thup. 22:19). Bible bu chhung thu tinreng hi Pathian thu vek nia kan pawm a, dawt sawi thei lo tur khawpa kan pawm a nih chuan, lei leh van a ral pawha Pathian thu chu a ral dawn si loh chuan, Thu puan bua “hrilh lawkna lehkhabu thua mi thu a lak bo chuan,” tih hian awmzia a nei dawn em ni? Chuvangin he hrilh lawkna bua mi thu hi lak bo theih a nih chuan, Bible thu (Pathian thu) chu lak bo theih a ni tihna a ni.

Friday, January 22, 2016

SAKHAW CHUNGCHANGA INKAWMNA - 14

108. Zawhna    : A dik khawp mai, A nih Kristiante khan pianpui thlarau neiin an inring niin i sawi a, kei pawhin thlarau hi mihringin kan neiin kan pianpui ngei tûrah ka lo ruat ve a; nangin, “Mihringin thlarau kan pianpui lo a, kan nei lo,” i ti si a, engtin nge i sawi fiah ang le?
     Chhanna      : Ni e, mihring hian thlarau kan nei lo a, kan lo pian chhuah phat pawh khân thlarau hi kan pian chhuahpui hauh lo a ni. Nunna thaw chu kan lo pian chhuah khan kan neiin kan thaw nghal a ni. solomona chuan,
                                    “Vaivut chu a awm angin leiah a chang leh a,
                                      Thlarau chu a petu Pathian hnenah a kîr leh a ni,”
                          a ti a ni. (Thup. 12:7). Hei pawh hian mihringin thlarau kan neih loh thu leh kan pian chhuahpui loh thu, chatuana nunna thlarau chu Pathian hnêna mi kan dawn mai a nihzia a tichiang hle a ni.
                                    Chu vângin mihring chu kan ei leh in te, kan boruak dawn a\ang te, lum leh vawt kan dawn a\ang te leh thim leh êng kan dawn a\ang tein kan tisa hi a lo insiam a, kan lo \hang lianin kan lo puitling \hîn a ni. A nih leh mihring hian thlarau pian chhuahpuiin lo nei ta ila, eng hun lai takah khan nge kan thlarau chu a lo tel \an ang? Kan thil ei a\angin em ni ang? Maian bai kan ei a\ang khân a lo tel \an nge ni ang a, kan bawnghnute in a\angin em ni ang? Ni êng kan dawn a\ang khân a lo tel em ni ang? A nih loh leh ka pa chiah khân thlarau a lo tel nge ni a, ka nu chi zâwkah khân a lo tel em ni zâwk dâwn? Fa nei tawh lo tûra insiamte hian thlarau an up hlum \euh ta tihna a ni ang em? Pathian hnêna mi chauh lo chu keini mihring hian thlarau kan nei lo.