49. Hun hi invawn tîr lo
la, nangman hun chu vawng zâwk rawh.
50. Hun i hmanthiam leh
thiamloh hian, i hausak leh retheih tûr a hril.
51. Hun kal tawh chanchin
hriatchian hi, hun lo la kal tur hriatchianna a ni.
52. Hun
leh tuiluangin tumah a nghaklo.
53. Hun renthiam hi a punga
pawisa pûktîr aiin a hlâwk zâwk.
54. I awm mai mai lai khân,
mite chu an awm mai mai lo tih hre rawh.
55. I chunga thilṭha ti ṭhîntu
chungah thilṭha i tilet theilo a nih pawhin, a chungah thil sual ti suh.
56. I entir aia tam nei la, i hriat aia tlem sawi rawh.
57. I fate
taimak i zîrtîr loh chuan, thatchhiat i zîrtîr a ni.
58. I hmelma hmangaih rawh, i dik lohna hriattîrtu che an ni si a.
59. I hnêna mi rawn rel ṭhîntu chuan,
nangpawh mite hnênah a rêl ve leh dâwn che tih hriain fîmkhûr rawh.
60. I kuta awmlo thilte
avangin in ngaihtuah buai lola, i kuta i neih thil kha a hlu thei ang bera hman
tum zâwk rawh.
61. I lungawina tâwk hnathawh tur i hmulo a nih pawhin i hmuh hnaah lungawi
tum ang che.
62. I nu leh i pa hmangaihna hriat i duh chuan fa nei ve phawt rawh.
63. I nupui chu a rûkin zilhla, midang hriatah chuan fak
rawh.
64. I nupui duhdan i zawm lutuk chuan, rei lote-ah nupui sual i nei
thuai ang.
65. I rilru hah vangin thawk lovin
awm mai mai suh la, i awm mai mai vâng zâwkin i rilru tihah zâwk rawh.
66. I sualna chu englai pawhin
puangchhuak la, mi sualna erawh chu zêp rawh.
67. I ṭhianin
ṭhian dang a nei tih hriain sawichin nei rawh.
68. I thiltih theihlohte hriatchhuahfo aiin, i tih theihtawk hriat a ṭha
zâwk.
69. I thiltih apiangah rintlâk nih tum tlat rawh.
70. I thin a rim chiah khân, i chhia leh ṭha hriatna i umbo a ni.
71. I thuruk zeppui theitu che chu i thianṭha a ni.
72. I tum anga thil alo
awmin lawmla, i tum loh anga thil alo awmin lawm leh zual la, nangmah siamṭhat
leh zualna a ni ngei dawn si a.
73. I vanglai hun i hman ṭhat leh ṭhatloh a zirin, mi khawngaihthlâk tak
emaw, mi awhawm tak emaw i ni ngei ngei dâwn a ni.
74. I zuan hmain i zuanna tur en la, hma lamah nawm i tum chuan hnung
lamah penkhat kîr rawh.
75. Inbuatsaih lâwkna ṭha i neih chuan a zatve zovah in ngai rawh.
76. Inchhîrna tello chuan, mihring nun hi a puitling thei tak tak lo.
77. Inhnialna ṭha hi mi thinlung tih harh nân damdawi ṭha tak a ni.
78. Inneih hma chuan meng zau hle la,
inneih hnuah chuan meng zim tawh rawh.
79. In tih thutak viau hi mi bumna hmanraw ṭha tak a ni fo.
No comments:
Post a Comment